பருவதமலை :
திருவண்ணாமலை மாவட்டத்திலுள்ள மற்றுமொரு சிவன்தலம் பர்வதமலை. இம்மலை மிகவும் பழமையானது.
கைலாயத்திற்குச் சமமானது என்ற பெயர் பெற்றது. இங்கு அருள்மிகு மல்லிகார் ஜுனரும் அன்னை பிரம்மராம்பிகையும் எழுந்தருளி பக்தர்களுக்கு அருள்புரிகிறார்.
சிவபெருமான் கைலாயத்திலிருந்து அண்ணாமலைக்கு வந்தபோது அவர் தம் முதல் காலடியை பர்வதமலையில் வைத்தாராம். அதனைத் தாங்க முடியாததால் தனது இரண்டாவது அடியை திருவண்ணாமலையில் வைத்ததாக பலர் கூறுகின்றனர்.
பர்வதம் என்றால் மலை; மலை என்றால் மலை மலைகளுக்கெல்லாம் மலை என்பதுதான் நமது பர்வதமலையின் சிறப்பு. இந்த பர்வதமலை என்பதுதான் நாளடைவில் பருவதமலையாக பிரிந்து மக்களால் அழைக்கப்படுகிறது. எப்படி திரு அண்ணாமலை என்பதை திருவண்ணாமலை யாக மாறியது அது போல தான்
திருவண்ணாமலை மாவட்டம் கலசப்பாக்கத்தில் தென்மாதிங்கலத்தை ஒட்டியுள்ளது பர்வதமலை. இது ஒரு மலைப் பகுதியாகும். மகாதேவமலை,கொல்லிமலை, சுருளிமலை, பொதிகை மலை, வெள்ளியங்கிரி மலை, சதுரதகிரி மலை எனப் புகழ்பெற்ற சித்தர் மலைகளைப்போல பர்வதமலையும் ஒரு புகழ்பெற்ற மலை ஆகும்.
மேலும் இந்த பர்வதமலைக்கு நவிரமலை, தென்கயிலாயம், திரிசூலகிரி, சஞ்சவிகிரி.பர்வதகிரி, கந்தமலை, மல்லிகார்ஜீனமலை என பல பெயர்கள் உள்ளன.
பருவதமலையின் தோற்றம்:
பருவதமலை மிகவும் உயரமான மலை இது சுமார் 4500 அடி உயரம் கொண்டது இந்த மலையானது மிகவும் இயற்கை நிறைந்து அழகாக காட்சியளிக்கின்றன மேலும் மலையேறும் போது அந்த மலையில் இயற்கையில் இருந்து கிடைக்கின்ற காற்று மரங்கள் நடந்து போகும் பாதையை சுற்றி காணப்படும்.
பருவதமலை வரலாறு:
பாவங்கள் போக்கும் பர்வதமலை ஈசன் நினைத்ததை நிறைவேற்றித் தருவான் என்பது நம்பிக்கை. இந்த கோவில் வரலாற்றை அறிந்து கொள்ளலாம்.
வேண்டும். மிகவும் சிரமப்பட்டு ஆபத்தான பாதையில் நடந்து வந்த களைப்பெல்லாம் நீங்கிட மலைமேல் கோவில் கொண்டுள்ள இறைவனும் இறைவியும்அருள்புரிகிறார்கள்.
மலைமேல் உள்ள கோவிலில் தனிச் சந்நிதியில் சிவலிங்கமாக கிழக்கு நோக்கி எழுந்தருளியுள்ள மல்லிகார்ஜுனரை காரியாண்டிக் கடவுள் என்றும் அழைப்பர். இவரை பக்தர்களே அபிஷேகித்து. மலர்கள் சூட்டிப் பூஜை செய்யலாம்.
பக்தர்களுக்கு இடையில் எந்தப் பூசகர்களும் இல்லை. பூக்களைச் சூட்டி மகிழும் பக்தர்கள். சிவலிங் கத்தைத் தொட்டு வணங்கலாம். அதனால் சிவலிங்கத்தை மறைக்கும் அளவிற்குப் பூத்குவியலுக்குள் இறைவன் உறைந்துள்ளார். கருவறை மிகவும் சிறியதாக இருப்பதால் பக்தர்கள் நெருக்கியடித்துக் கொண்டு தரிசிக்கிறார்கள்.
மல்லிகார்ஜுனருக்கு இடப்புறம் அன்னை பிரம்மராம்பிகா தனிச் சந்நிதியில் எழுந் தருளியுள்ளாள். சிவன் சந்நிதிக்கு வலப்புறம் உள்ள சிறிய சந்நிதியில் விநாயகப் பெருமா னும் வள்ளி. தெய்வானையுடன் சுப்ரமணிய ரும் அருள்புரிவதைத் தரிசிக்கலாம்.
"திரிசூலகிறி”. "நவிரமலை'. "பர்வதமலை' என்று சொல்லப்படும் இந்த மலை. ஏழை களின் கைலாயம் என்று பெயர் பெற்றதற்கு ஏற்ப. மேகக் கூட்டங்கள் அவ்வப்போது கோவிலின்மீது நின்று மெதுவாக நகரும் காட்சி மிகவும் ரம்மியமாக இருக்கும்.
"மேலும் இந்த பர்வதமலைக்கு சஞ்சீவிகிரி, மல்லிகார்ஜுன மலை, கந்தமலை, தென் கயிலாயம் என்றும் பல பெயர்கள் உண்டு. இம்மலைப் பகுதியில் அற்புதமான மூலிகைகள் பல உள்ளன. சித்தர் பெருமக்கள் வாழ்ந்த குகைகளும் உள்ளன.
அந்தக் குகைகளில் தற்போதும் சித்தர் பெருமக்கள் தவம் செய்து கொண்டிருப்பதாகவும் சொல்லப்படுகிறது. கோவிலுக்கென்று தனியாக அர்ச்சகர்கள் கிடையாது. பக்தர்கள் தாங்களே வந்து தங்கள் கைகளால் மல்லிகார்ஜுனர் தெய்வத்தை பூஜை செய்து வழிபட்டு செல்லலாம்.ஆனால் அம்பாள் சந்நிதியில் சாது ஒருவர் அமர்ந்து கொண்டு பக்தர்களுக்குப் பிரசாதம் மட்டும் தருகிறார். கதவுகள் இல்லாத கோவில் இது.
பர்வதமலை கடல் மட்டத் திலிருந்து சுமார் நான்காயிரத்து ஐந்நூறு அடி உயரம் கொண்டது. திருவண்ணாமலையைவிட இந்த மலை உயரம். திருவண்ணாமலையை கிரிவலம் வரும் தூரம் 14 கிலோமீட்டர். ஆனால், பர்வதமலை கிரிவலப் பாதையின் தூரம் 26 கிலோமீட்டர்.
திருவண்ணாமலை மாவட்டம். போளூரிலிருந்து செங்கம் செல்லும் வழியில் தென்பாதி மங்கலம் என்னும் கிராமம் உள்ளது. அங்கிருந்து மலை ஏறத் துவங்கினால் பத்து கிலோமீட்டர் தூரம். தென்பாதி மங்கலத்திலிருந்து நான்கு கிலோமீட்டர் தூரம் சென்றால் கடலாடி கிராமம் வருகிறது.
அங்கிருந்து மலை உச்சிக்கு எட்டு கிலோமீட்டர் தூரம்.
இங்கு எழுந்தருளியிருக்கும் ஈசனை தேவேந்திரன் பெளர்ணமி நாட்களில் வந்து வழிபடுவதாக நம்பிக்கை. ஒவ்வொரு பெளர்ணமி அன்றும் சிறப்புப் பூஜை நடைபெறும் இந்தக் கோவிலில் யாகங்களும் விடிய விடிய நடைபெறுவது தவிச்சிறப்பு ஆகும்.
சித்ரா பெளர்ணமி, ஆடிப் பதினெட்டு. ஆடிப் புரம். புரட்டாசிமாதப் பிறப்பு, ஐப்பசி அன்னாபிஷேகம். கார்த்திகை தீபம், மார்கழி மாதப் பிறப்பு, சிவராத்திரி, பிரதோஷ நாட்கள், பங்குனி உத்திரம் முதலிய சிறப்பு நாட்களில் இக்கோவில் விழாக்கோலம் காணும்.
பாவங்கள் போக்கும் பர்வதமலை ஈசன் நினைத்ததை நிறைவேற்றித் தருவான் என்பது நம்பிக்கை. இம்மலைக்கு வருபவர்கள் மிகவும் பக்தியுடன் விரதம் கடைப்பிடித்து வருவது நல்லது. பர்வத மலையில் தீபம் ஏற்றி ஒரு நாள் அபிஷேகம், ஆராதனை செய்தால், கீழே தரைமட்டத்தில் வருடம் முழுவதும் பூஜை செய்த பலன் கிட்டும்.
"அடிக்கொரு லிங்கம் திருவண்ணாமலை' என்று சொல்வதுபோல். "பிடிக்கொரு லிங்கம் பர்வதமலை என்பர்.
இந்த மலையில் அமர்ந்து தியானம் செய்தால் தியானம், ஞானம் கைகூடும்; நினைத்ததெல்லாம் நடக்கும். திரிகால ஞானயோகம் கிட்டும் வாய்ப்பு உண்டு என்பது நம்பிக்கை. வெயிலின் கடுமை
குறையட்டும் என்று காத்திருந்து மாலை வேளையில் மலை ஏறும் பக்தர்கள் வழி தடுமாறும் நிலை ஏற்பட்டால், அவர்களுக்கு உறுதுணையாக பைரவர் (நாய்) முன்னால் நடந்து சென்று வழிகாட்டும் அதிசயத்தை இங்கு காணலாம் என்கிறார்கள்.
இங்கு வழிகாட்டும் பைரவர்கள் என்ற கருத்தப்படும் நாய்களை பக்தர்கள் சித்தர்களாக பார்க்கிறார்கள். வழி தவறி செல்லும் மக்களை சித்தர்களே வந்து நேரடியாக வழிகாட்டி கொண்டு செல்வதாக நம்புகிறார்கள்.
கோவிலுக்கு வந்த பக்தர்கள் ஒவ்வொரு மாதமும் பெளர்ணமி அன்று பர்வதமலையை கிரிவலம் வரும் பத்தர்கள் கூட்டம் அதிகரித்து வருகிறது. வலம்வர சுமார் ஆறு மணியிலிருந்து எட்டு மணி நேரம் ஆகலாம். மலைக்கு வரும் பக்தர்கள் மலைமேல் தங்குவதற்கு இப்போது வசதி உள்ளதால். பெளர்ணமி இரவில் இம்மலை விழாக் கோலம் காணும்.
இம்மலையில் கார்த்திகை தீபம் ஏற்றப்படுவது தனிச்சிறப்பினைப் பெறுகிறது. பக்தர்கள் கொண்டு வரும் நெய், நல்லெண்ணெய்யை பெரிய கொப்பறையில் இட்டு கடா துணியில் பெரிய திரி தயார் செய்து பக்தர்களே சூடம் ஏற்றி. தீபம் ஏற்றுகிறார்கள். மேலும் கோவிலைச்சுற்றி பெரிய அகல் விளக்குகளில் பக்தர்கள் விளக்கு ஏற்றுவதால் தீப ஒளியில் சுவர்க்க லோகம்போல் காட்சி தரும்.
மலையடிவாரத்தில் மெளனகுரு ஆசிரமம் உள்ளது.இங்கு மலையேறும் பக்தர்களுக்கு வசதிகள் செய்து கொடுக்கிறார்கள். இரவில் இங்கு தங்கிச் செல்லவும் வசதி உண்டு. அன்னதானமும் செய்யப்படுகிறது.ஒரு முறை மலை ஏறி இறைவனையும் அம்பாளையும் தரிசித்து வந்தால், மறுபடியும் பக்தர்கள் மனம் இறைவனை நாடுச் செல்லும் என்பது மறுக்க முடியாத உண்மை.